Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!
Flash
    Préc Suiv

    « Androany akia ! » : antsa tononkalo maneho fitiavana maro loko

    « Androany akia ! » : antsa tononkalo maneho fitiavana maro loko

    Ankoatra ny tontolon’ny hira, hanamarika ny « Fetin’ny mpifankatia » ihany koa ny mpanoratra. « Androany akia ! », antsa tononkalo hotontosaina ao amin’ny efitrano malalaky ny kolejy Rasalama Andravoahangy ambony ny 13 febroary izao, manomboka amin’ny 2 ora sy sasany tolakandro. Fiarahana mpanoratra enina mianadahy, Miah Joe, Nahary Penina, Hanitra Randria, Fotopisaina RAOLY, Elisah Mbolatiana, Oméga Ratojo, hanolotra tononkalom-pitiavana maro loko. Fitiavana vao mitsiry, miredareda, mitsilopilopy, fitiavana misisika, sns. Tononkalo mahatratra 40 eo ho eo, elanelanina hira, ravahina feon-kira lafika miaraka amin’i Tahina RaTà Tax ao anatin’ny ora vitsivitsy. Marihina fa mivoaka amin’io fotoana io ihany koa ny boky « Androany akia ! ».

    Anisan’ny tanjon’ireto fivondronana mpanoratra ireto ny fanandratana avo ny teny sy ny literatiora malagasy amin’ny alalan’ny tononkalo. Seho voalohany iraisan’izy ireo rahateo ny « Androany akia ! », antsa tononkalo tsy misy vidim-pidirana.

    HaRy Razafindrakoto

    Les commentaires sont fermées.