Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!
Flash
    Préc Suiv

    Brickaville sy Toamasina : matihanina ireo mpiompy tohanan’Ambatovy #canada #sherrit #ambatovy

    Brickaville sy Toamasina : matihanina ireo mpiompy tohanan’Ambatovy #canada #sherrit #ambatovy

    Manohana ara-teknika sy ara-bola ny tantsaha any amin’ny distrikan’i Brickaville sy Toamasina II ny tetikasa Ambatovy, avy amin’ny Tetikasa sosialy sy fotodrafitrasa. Voakasik’izany ny tetikasa Harenasoa, mifototra amin’ny fiompiana akoho fakana nofo, ivondronan’ny tantsaha anaty fikambanana efatra (Fmafna Ampasimadinika, Taratra Antsampanana, Fimabri Brfickaville, Mpimdia Ambinaninony Toamasina II). Miara-miasa amin’ny mpiompy efa matihanina izy ireo hahazoana vokatra tsara sy manaram-penitra ary hahaleontena kokoa. Nisy kaoperativa iray natsangana hahafahana mampihena ny masonkarena sy hampiakarana ny vokatra sy ny vola miditra.

    Mampidi-bola hafa ankoatra ny fiompiana

    Nahalafo akoho maherin’ny 8.000 ireo mpiompy ireo ny volana jona 2016 teo. Hanatsarana hatrany ny fahaiza-manao, nanohana ny fampiofanana amin’ny fandrindrana ny fotoam-piompiana, ny fanamboarana zezim-pahitra (compost), ny fambolena legioma, niampy fitsidihana toeram-piompiana hafa tany Analamanga (Mahitsysy Bevalala) ny Tetikasa Ambatovy. Anisan’ny niompanana manokana ny fampiasana ny zezim-pahitra amin’ny fambolena legioma sy ny voly hafa.

    Afa-po tokoa ireo tantsaha ary tena tsapan’izy ireo ny maha samy hafa ny fanao mahazatra sy ny manaraka ny fenitra teknika sy ny fandrindrana ara-pitantanana. Azo antoka fa tsy hitsaha-mitombo ny vokatra sady misy rahateo ny tombombarotra azo amin’ny alalan’ny fambolena, vokatry ny fampiasana ny zezim-pahitra.

    Njaka A.

    Les commentaires sont fermées.