Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!
Flash
    Préc Suiv

    Toekarena sy politika : hamaha olana ny fahantrana ny FMI Malagasy

    Toekarena sy politika : hamaha olana ny fahantrana ny FMI Malagasy

    Hitondra famelabelarana momba ny toekarena sy ny politika ny eo anivon’ny fikambanana Fahefa-mividy izao no takin’ny Malagasy (FMI Malagasy). Lohahevitra : « Ny vahaolana mahomby hampihenana ny fahantrana ary hialana amin’izany ka hihatra avy hatrany amin’ny Malagasy tsirairay ».

    Anisan’ny fotokevitra ijoroan’izy ireo ny fanafoanana ny Mid (Marché interbancaire des devises). Ny fametrahana ny taham-bola tsy miovaova (Système de taux de change fixé) ary ny fampiakarana ho 100% ny sandan’ny Ariary. « Anisan’ny ahatongavana amin’izany ny didim-panjakana raisin’ny filankevitry ny minisitra », hoy ny FMI Malagasy.

    Hatao ny asabotsy 6 aogositra izao etsy amin’ny Arrupe Faravohitra, manomboka amin’ny 9 ora maraina ity famelabelarana ity. Hitarika izany ny mpanorina ny fikambanana, Ratsietison Jean Jacques. “Anisan’ny mampahantra antsika io Mid io. Hapetraka ny taham-bola tsy miovaova ka hihena antsasany avy hatrany ny fahefa-mividin’ny Malagasy. Hidina hatrany amin’ny antsasany ny vidin’ny solika…”, hoy izy. Tsy ny famoronana asa koa no atao voalohany fa ny mba ananan’ny Malagasy fahefa-mividy ka ahafahany mividy sakafo, mitsabo tena ary manana ambim-bava, araka ny nambarany. Ho tonga hatraiza izao dingana takin’ny FMI Malagasy izao ?

    Synèse R. 

    Les commentaires sont fermées.