Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!
Flash
    Préc Suiv

    Leader Fanilo : “Tetika hijanonana amin’ny fitondrana ny fanitsiana lalàmpanorenana”

    Leader Fanilo  : “Tetika hijanonana amin’ny fitondrana ny fanitsiana lalàmpanorenana”

    Mitohy ny fanehoan-kevitra mitsipaka ny fikasan’ny mpitondra hanitsy lalàmpanorenana. Tetika hijanonana amin’ny fitondrana io, raha ny fijerin’ny Leader Fanilo.

     

    “Tetika hijanonana eo amin’ny amin’ny fitondrana ivelan’ny fe-potoana voafaritry ny lalàmpanorenana ny fisakana ny hanitsy ny lalàmpanorenana, heritaona mialoha fifidianana.” , hoy ny Leader Fanilo, tarihin’ny filoha nasionaliny, Rabesa Zafera Antoine, omaly. Fanalavana ny fe-potoam-piasana izany, satria manakorontana ny fomba amam-pitsipika ara-potoana amin’ny fikarakarana ny fifidianana miaraka amin’ny enti-manana ara-bola efa napetraka mialoha. Mitsipaka marindrano ny fanitsiana ny lalàmpanorenana izy ireo.

    Mila vahana maika ny olana mahazo ny vahoaka

    Raha hirosoana ny fanitsiana lalàmpanorenana, tokony homen-danja ny amin’ny fitsinjaram-pahefana sy ny antoka amin’ny fanjakana tan-dalàna, araka ny fanambarana.

    Mba hamahana ny olana izany, tsy angatahina andro, ireo olana lehibe mahazo ny vahoaka malagasy sy ny lafiny toekarem-pirenena amin’izao toy ny tsy fandriampahalemana,  fahantrana, ny tsy fisian’asa, ny tsy rariny, ny kolikoly, ny fahasalamam-bahoaka sy ny fanabeazam-pirenena.

    Tolo-kevitra ny antoko ny fijerena ny tsy mety sy banga amin’ny lalàmpanorenana, ny tsy firindrany sy ny tsy mazava. Nambarany fa tamin’ny fotoan-tsarotra nolalovan’ny firenena no nandrafetana io lalàmpanorenana io. Tokony ho an’ny mpitondra manaraka eo no manao ny fanitsiana na fanovana.

    Hatao amin’ny fiandohan’ny fe-potoam-piasany izany, fa tsy eny antenantenam-potoana na amin’ny fiafaran’ny fe-potoam-piasana.

    R. Nd.

    Les commentaires sont fermées.