Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!
Flash
    Préc Suiv

    Mananjary : niverina nitrandraka volamena ny Sinoa

    Namoaka fanambarana ny fikambanana Craad-OI, mikasika ny fitrandrahana volamena ataon’ny orinasa sinoa any Vohilava Mananjary. Voalazany fa naaton’ny filohan’ny faritra Vatovavy Fitovinany sy ny Ofisim-pirenena misahana ny tontolo iainana (ONE) ny fitrandrahan’ny Sinoa volamena tany amin’ny kaominina Vohilava sy Ambaladara, distrika Mananjary, ny faramparan’ny taona 2016. Araka ny tatitra nataon’ny fikambanana firaisamonim-pirenena OIDESCM* ny fikambanana Craad-OI ankehitriny, milaza fa niverina mitrandraka any an-toerana indray ny Sinoa. Nampahafantatra ny mponina mikasika izany fiverenan’ny Sinoa hitrandraka volamena izany ny tompon’andraiki-panjakana any an-toerana, ny 27 septambra teo, saingy tsy naseho ny besinimaro ny taratasy fanomezan-dalana.

    Naiditra am-ponja ny mponina iray

    Nangataka izany taratasim-panjakana izany ny lehilahy iray, Raleva, mpikambana ao amin’ny OIDESCM any an-toerana. Ny alin’io 27 septambra io, nosamborina tao an-tranony izy, nafindra naiditra am-ponja vonjimaika any Mananjary, miandry ny fitsarana azy.

    Toherin’ny Craad-OI sy ny OIDESCM ary ireo mpiara-miombon’antoka amin marobe izao fanaparam-pahefana atao amin’ny mpikambana aminy izao. Tsy eken’izy ireo koa ny fitrandrahana tsy ara-dalàna ataon’ireo Sinoa. Manamarika izy ireo, fa manimba ny tontolo iainana, ny rano fisotro ny fampiasan’ity orinasa ity ny merkiora amin’ny fitrandrahana volamena.

    Randria

    Les commentaires sont fermées.