Nitohy tao Antsiranana ny fitsidihana nataon’ny filoham-pirenena, Rajoelina Andry, omaly. Fitsidihana izay nanolorana ireo fotodrafitrasa naorina ho fanatsarana ny sosialim-bahoaka.
Nanontrona azy tamin’izany ny minisitry ny Raharaham-bahiny, Rasata Rafaravavitafita, sy ny minisitry ny Fitaterana sy ny famatarana ny toetr’andro, Monjavelo Valery, ary ny minisitry ny Filaminam-bahoaka, CGP Rakotoarimanana Herilala. Niaraka tamin’ny olom-panjakana sy olona manan-kaja avy ao an-toerana izy ireo.
Nanamarika ny fitsidihana ny fanolorana ny tranon’ny mpianatra, ny biraon’ny minisiteran’ny jono sy ny toekarena manga, fanolorana jiro mandeha amin’ny herin’ny masoandro ho an’ny vahoaka ary fanolorana ny biraon’ny fitaleavam-paritry ny filaminam-bahoaka. Tanjona amin’izao ny famaliana ny filan’ny vahoaka sy ny fanatanterahana ny vinan’ny fitondram-panjakana ary ny fanambin’ny filoham-pirenena, Rajoelina Andry.
Hazavana !
Ankoatra ireo, nisy ny fizarana jiro ho an’ny mponina. Nisitraka izany ny vahoaka manodidina ny 6000 avy amin’ ny fokontany 25 ao Antsiranana. Tafiditra amin’ny tetikasa, “Hazavana ho anao” ny hetsika. Nizarana jiro mandeha amin’ny herin’ny masoandro ny isan-tokatrano.
Nisy ny fametrahana ny vato fototra hanombohana ny asa fanamboaran-dalana makany joffre ville. Toraka izany ny fametrahana jiro manazava eny amin’ny seranam-piaramanidina.
Tanjona amin’ny fananganana sy ny fanolorana izao fotodrafitrasa maro samihafa izao ny fanakaikaizana ny vahoaka, ho fanamorana ny andavanandrom-piainan’izy ireo
Lin
French