Nanafika tranombarotra iray tao amin’ny fokontany Begavo I, distrikan’Ambanja, voasambotra ny dahalo telo lahy niaraka tamin’ny vola 2 800 000 Ar, afakomaly hariva. Naka an-keriny ny vola tao amin’ireo tompon-trano, nitifitra ireo jiolahy. Naratra tamin’izany io tompon-tsena io. Lasa nandositra ireto olon-dratsy niaraka tamin’ny vola. Raikitra ny fifanenjehana nataon’ny zandary. Nifampitifitra ireo jiolahy sy ireo mpitandro filaminana ireo. Vokany, maty ny iray tamin’ireo mpangalatra. Latsaka ny basy marika “Pietro Bereta” sy ny vola vao avy norobaina. Voasambotra ireo telo namany hafa nikasa handositra. Misokatra ny fanadihadiana ataon’ny zandary ao an-toerana.
Tsiferana R.
French