Iza indray no homen-tsiny ? Voasambotry ny polisy avy ao amin’ny kaomisarian’ny boriborintany fahadimy (CSP5) eny Mahamasina, ny alatsinainy teo teny Angarangarana ny tovolahy iray mbola mpianatra. Trano iray eny Madera Namontana no nidirany an-tsokosoko. Nifampitadiavana izy ireo taorian’izay satria tadidin’ny tompon-trano ny endriny nandritra ny halatra natao tamin’io fotoana io. Taorian’ny fitoriana napetraky ny tompon-trano, niroso tamin’ny fikarohana ity jiolahy ity ny polisy. Fantatra nandritra ny fikarohana fa eny Anosibe Angarangarana izy no mipetraka. Nidina avy hatrany teny an-toerana ny polisy ka noraisim-potsiny tao an-trano izy. Niaiky ny heloka vitany izy nandritra ny famotorana nataon’ny polisy. Nilaza izy fa efa namidiny avokoa ireo entana halatra nalainy tao amin’ity trano novakiny ity. Natao ihany koa ny fikarohana ny olona nividy ireo entana halatra.
J.C
French