Maty voatifitra tao anaty sakoroka nandritra ny fifampitifirana teo aminy sy ny zandary ny iray tamin’ny dahalo nangalatr’omby tao Tsaramandroso Fiadanana, fokontany Ambohitrandriana, kaominina Vasiana, distrikan’i Mandoto, afakomaly. Dimy lahy, nirongo basy tao amin’io tanàna io ireto dahalo ireto. Mailo anefa ny fokonolona ka nampandre ny zandary. Niroso tamin’ny fanarahan-dia ny mpitandro filaminana folo ka nifarimbona nanenjika sy niandry ny kizo. Tamin’ny 01 ora maraina, nifanehatra tamin’ireo tsy vahalara ny zandary. Vaky nitifitra ireo dahalo ka raikitra ny sakoroka. Vokany, lavo ny iray tamin’ireo olon-dratsy. Latsaka tamin’izany ny basy marika “simplex Brevette France” niaraka tamin’ny bala 12. Tafaporitsaka ireo efatra naman’ity lavo ity. Mitohy ny fikarohana ataon’ny zandary.
Tsiferana R.
French