Tokony hanainga, anio, raha tsy misy ny fiovana ka hihazo an’i Cape Town Afrika Atsimo ny ekipan’ny Cospn, hiatrika ny fifaninanana BAL (Basket ball Africa League) Elites 16. Fifaninanana hatao 22 hatramin’ny 27 novambra izao izany, hiatrehana ny dingana faharoa amin’ny fifanintsanana ahazoana ny tapakilan’ny BAL 2022. Tsiahivina fa henjana avokoa ireo ekipa miray vondrona F amin’ny ekipan’ny Polisy. Anisan’izany ny NBA Academy, ny Ferroviario da Beira Mozambika, ny Cape Town Tigers Afrika Atsimo, ny Cobra Sports Soudan du Sud, ny Urunani Burundi, ny City Oilers Ouganda ary ny Kenya Ports Authority ary ny Cospn. Hiatrika ny dingana farany hanampy ireo ekipa 6 efa tafakatra, izay ekipa telo mendrika indrindra isam-bondrona. Marihina fa mbola misy ekipa 8 hafa any amin’ny vondrona E hakana ekipa telo ihany koa, izany hoe ekipa 12 ny hiatrika ny dingana faran’ny BAL.
Mi.Raz
French