Hotanterahina anio ao Morondava ny hetsika fanamarihana isam-paritra ny faha-20 taonan’ny antoko Tim. Anisan’ny hiatrika sy hitarika izany any an-toerana ny mpanorina ny antoko, Ravalomanana Marc sy ny sekretera jeneraly, Randriamasinoro Riana.
Nialoha izany, nitafa mivantana amin’ireo vahoaka sendra azy teny an-dalana (RN34) nanomboka teny Miandrivazo sy ny manodidina ny tenany, afakomaly. Tsy manaiky ireo mponina amin’ny toerana lalovany raha tsy tafaresaka sy mihaona mivantana aminy. Tsy nihafahafa rahateo ny filoha teo aloha fa miresaka mivantana sy mihaino ny fitarainana sy ny hetahetan’izy ireny eny an-dalana eny.
Tsiahivina fa niharan’ny sakana hatrany, tsy tanteraka ary rava maina ireo hetsika nanamarihana ny tsingerintaonan’ny antoko tamin’ity taona ity. Anisan’izany ny tany Boeny sy Diana… Tontosa soa aman-tsara ihany kosa ny fanombohana izany tetsy amin’ny Magro Behoririka, ny jolay teo.
Synèse R.
French