Naiditra am-ponja taorian’ny fanafihana tokantrano tao Ambalabe, fokontany Andriambe , kaominina Antanamalaza distrikan’Ambatolampy ny jiolahy valo, ny 16 novambra teo. Niditra an-keriny tao amin’ny tompon-trano, lasan’ireo olon-dratsy ny vola nitentina 200 000 Ar sy ny bisikileta iray. Raikitra ny fikarohana nataon’ny zandary taorian’ny fitarainan’ny lasibatra. Tra-tehaka tamin’izany ny roa lahy nitondra basy vita gasy iray. Nifarimbona tamin’ny fisamborana ny zandary avy ao Arivonimamo. Nanoro ireo namany hafa ireto roa lahy voasambotra ireto. Vokany, tafakatra valo ireo tompon’antoka tamin’ity vaky trano ity. Nidoboka am-ponja avokoa ireto farany taorian’ny fitsarana.
Tsiferana Randriatiana
French