Ry zareo Egyptianina, tompon-trano, no hihaona amin’ ny Malagasy voalohany, amin’ ny fiadiana ny amboaran’i Afrika, ho an’ny taranja basikety lalaovin’olona telo “Open” lehilahy. Fifaninanana hatao ny 3 sy 4 desambra izao, any Le Caire Egypta. Hifanandrina amin’i Botsoana amin’ny lalao faharoa, ary hamarana ny fihaonana amin’ ny Malagasy ao amin’ny vondrona A i Roanda. Efa vonona ireo mpilalao lehilahy (Livio, Elly, Fiary, Arnol) sy ny mpanazatra azy ireo, Randrianarivelo Jean de Dieu. Tsara fiomanana ireto mpilalao malagasy ireto, izay efa nikotrana sy nivondrona nanditra ny andro maro teto Antananarivo.
Mpilalao notsongaina tamin’ny maro rahateo no hiatrika ny fifaninanana, ary azo antenaina ny hahazoana vokatra tsara.
Tsiahivina fa efa nanoratra tantara teo amin’ny sehatra afrikanina, teo amin’ny basikety 3×3 ny ekipa malagasy lehilahy, nandritra ny lalao afrikanina 2019, izay nandrombaka ny medaly volamena. Mahirina fa manana solontena amin’ny sokajy lehilahy sy vehivavy i Madagasikara, hiaro ny voninahi-pirenena.
Fitia ( Mpianatra Asa)
French