Sendran’ny nahay azy, voarasan’ny antsy be ny tanan’ny mpangalatra iray tao avaratr’Ampasinjeva, Manakara, ny alahady hariva teo. Nikasa hangalatra tao amina tokantrano iray ity lehilahy ity. Nihidy avy any anatiny ny trano ka niezaka nanokotra karetsaka izy. Kinanjo, tsy nampoiziny fa hitan’ny tompon-trano ny tanany niezaka hamoha ny fanalahidy. Tsy taitra noho izany io tompon-trano io fa naka antsy be. Nokatsanany avy hatrany ny tanan’ilay mpamaky trano ka tavela teo ny rantsany efatra. Nirara-draraka ny ra ary tsy tafatsoaka intsony ity olon-dratsy ity. Marihina fa mbola zazalahy ity nikasa hamaky trano ity.
Tsiferana R.
French