Niatrika ny fifaninanana “Africa Cup 3×3”, taranja basikety, ny faran’ny herinandro eto, ny ekipa malagasy Ankoay lehilahy sy vehivavy. Tsara fanombohana ny sokajy vehivavy nanoloana ny Toniziana ka nahazo ny fandresena tamin’ny isa 18 no ho 16, raha resin’ny Egypta tamin’ny isa 18 no ho 17 kosa ny Ankoay lehilahy. Nifamadika indray ny vokatra tamin’ny lalao faharoa ka nandresy an’i Botswana tamin’ny isa 16 no ho 9 ny lehilahy ary resin’ny Egypta tamin’ny isa 21 no ho 13 ny vehivavy. Izany hoe samy tsy nisy nahatohitra ny Egyptiana ny Ankoay lahy sy vavy. Na izany, mbola samy niatrika ny dingana farany avokoa izy ireo , saingy tsy mbola tonga eto am-pelatanana ny voka-dalao.
Mi.Raz
French