Rotiky ny balan’ny mpitandro filaminana i Reveto, dahalo raindahiny mpangalatr’omby tao Antongomavo, fokontany Tsarabanja, kaominina Ankirihitra, ny zoma teo. Lasan’i Reveto sy ireo dahalo namany ny omby tao Mahatsinjo/Valala, kaominina Marie, distrikan’i Kandreho, ny 29 novambra.Niara-nientana tamin’ny fokonolona noho izany ny zandary nanao ny fanarahan-dia sy nikaroka ireo olon-dratsy. Tra-tehaka, araka izany, ity dahalo raindahiny ity niaraka tamin’ireo omby roa anisan’ny nangalariny. Nikasa handositra sy hanohitra, saingy lavo tamin’izany izy. Nogiazana ireo omby roa. Mitohy ny fikarohana ireo dahalo naman’i Reveto.
Tsiferana Randriatiana
French