Mpiasan’ny Antenimierandoholona : tsy fahaiza-mitantana no tsy mahavoaloa ny karama

“Mitohy ny tolonay. Tafi­ditra ao amin’ny kaontinay ny karamanay, dia mandray asa izahay”, hoy ny filohan’ny sendikàn’ny mpiasan’ny An­tenimierandoholona, Raza­fima­haro Famatanantsoa, teny amin’ny lapan’ny Antenimie­randoholona, Anosikely, omaly.
Fitantanana tsy milamina sy tsy mirindra ao anatiny ary tsy mitsinjo ny tsy maintsy zakaina amin’ny fandaniana fototra ho tonga hatramin’ny volana desambra no anton’izao tsy fandraisan-dry zareo mpiasa karama izao, araka ny fanazavany. Ny fitontonan’ny karama volana novambra eo amin’ny kaontin-dry zareo no andrasan’izy ireo amin’izao.
Ny amin’ny fihaonan’izy ireo tamin’ny minisitry ny Toekarena sy ny fitantanam-bola, nampiantso ny sendikà ny herinandro teo: mazava ny tenin’ny minisitra fa tsy misy idirany ny fikarakarana ny karaman’ny mpiasan’ny An­tenimierandoholona, fa raharaha anatiny eo anivon’io andrimpanjakana io ihany.
Raha tsy tonga ara-potoana koa ny karama desambra sy ny solompen’akoho voalazan’ny sata : hitatao ny raho-mainty, hanavandra, ary hifofofofo ny rivotra.

R. Nd.