Voasambotry ny polisy omaly tokony ho tamin’ny 05 ora maraina teo ny rangahy iray avy namaky trano tetsy Soavimasoandro. Tratra ambodiomby ity jiolahy ity ka noraisim-potsiny. Saron’ireo polisy mpanao fisafoana teny an-toerana tokoa izy niaraka tamin’ireo entana halatra maro isan-karazany. Mbola hita teny aminy ny “amplificateur” miisa roa, “table de mixage” iray. Noentiny niaraka tamin’ny tandramokotra nampiasainy namakiana ilay tranon’olona ireo entana rehetra ireo. Niaiky tokoa ity voasambotra fa entana avy nangalarina tao amina fiangonana zandriny ao an-toerana ireo fitaovam-panamafisam-peo. Mbola tazomina ao amin’ny biraon’ny polisy kosa ireo entana halatra ireo mandra-pahavitan’ny famotorana sy hamerenana azy any amin’ny tompony.
Henintsoa H.
French