Mizotra araka ny nandaminana azy ny fandaharam-potoana nomanin’ny Sehatra Ba Gasy (SBG). Ny asabotsy 10 desambra izao, manomboka amin’ny 2 ora sy 30mn tolakandro ka hatramin’ny 5 ora hariva, ao amin’ny Aro Antsahavola, roso amin’ny «Zarasehatra» mamaramparana ny taona 2022 ny SBG.
Fantatra fa ny tarika Aro Kanton’ny Fahiny, izao ao anatin’ny trano fiantohana Aro no hiaka-tsehatra amin’ io fotoana io. Amin’ny maha zara sehatra azy, hisy hatrany ny fandraisana anjaran’ ny mpanatrika. Afaka hifanakalo traikefa sy fahaiza-mitendry ary fahaiza-mihira ireo ho avy eny an-toerana. Marihina fa tontosa tamin’ny 3 desambra teo, tao amin’ny Ivontoeran’ny kolontsaina Malagasy etsy Antsahavola (IFM) ny «atrikefa» nokarakarain’ny SBG.
Raha tsiahivina, anisan’ ny imasoan’ny Sehatra Ba Gasy ny fampitiavana ny Malagasy sy ny fampivelarana ity gadon-kira ity eo amin’ny sehatra lehibe hatrany.
HaRy Razafindrakoto
French