Tsy ho isan’ny hiatrika ny “Festival Zaza Rap Taiza”, ihany koa i Ol’kainry. Tsy afaka tamin’ny ora farany ity mpanakanto vahiny ity. Ny 2Bal izay efa eto Madagasikara amin’izao no nasolon’ny mpikarakara azy. Izy ireo izay hiaka-tsehatra ny asabotsy 10 desambra 2022 amin’ny 7 ora hariva.
“Tsy mora ny mikarakara hetsika goavana sahala amin’ itony, misy foana ny tsy ampoizina sahala amin’izao. Efa nanomana drafitra iatrehana ny sahala amin’izao izahay.” hoy i Tovolah, mpikarakara sy filohan’ny Fikambanana Zaza Rap Taiza. Efa eto Madagasikara avokoa ny vahiny handray anjara amin’ny hetsika. Tonga ny zoma 9 desambra 2022 i Youssoupha sy Noemie izay sisa nandrasana.
Fahombiazana no azo ilazana ny andro voalohan’ny hetsika. Antony iray nahavitsy ny mpijery ny vidi-pidirana. Nidina ho 15000Ariary izany ho an’ny andro faharoan’ny hetsika. Hisokatra amin’ny 12 ora atoandro kosa ny vavahady ho an’ny famaranana ny hetsika ny asabotsy 10 desambra 2022.
Lin (Mpianatra asa)
French