Tontosa ny talata 20 desambra 2022 teo, teny amin’ ny Institut Français de Madagascar na IFM , ny «134ème Concert Classique de Midi». Fampisehoana karakarain’ny Madagascar Mozarteum, nandraisan’ny Ensemble Vocal Hiraitra anjara, notronin’ny International Carol Suites. Matihanina tanteraka ny fikarakarana ary nanome seho mendrika sahaza izany ny mpandray anjara. Voatazona foana ny lentan’ny fampisehoana karakarain’ny Madagascar Mozarteum
Nanakoako teny amin’ny IFM Analakely ireo hira manamarika ny vanim-potoanan’ny Noely niangalian’ny Ensemble Vocal Hiraitra sy ny International Carol Suites. Nandravaka ny fampisehoana ihany koa ny feon-javamaneno notendren’i Antsa Ratsimba. «Tsotra nefa nahafinaritra ary tena zavakanto tokoa», hoy ny mpanatrika ny seho.
Mbola hisy ny seho ataon’ny antoko mpihira roa tonta eny amin’ny Katedraly Santa Laurent Ambohimanoro, ny zoma 23 desambra 2022.
Lin (Mpianatra asa)
French