Piment Café Behoririka : haneho ny mozika rock ry Roova

Hiavaka tsy tahaka ny ma­­hazatra ary hafana. Hi­aka-tsehatra etsy amin’ny Piment Café Behoririka, ra­hampitso zoma ny “Rock sy ny revintsika”, iarahana amin’ny tarika Roova sy ny mozikany. Hoentiny an-tsehatra amin’izany ireo hira maro nahafantarana azy. Anisan’izany ny “Ny ranomasoko”, ny “Tsy anjara”, ny “Mitonantonana”…
Mpanakanto efa tsy zo­viana amin’ny maro intsony eo amin’ny tontolon’ny mo­zika ny tarika Roova. Efa ni­tety vanimpotoana maro teo amin’ny tontolon’ny mozika. Fotoana izany izao hi­haonany indray amin’ny mpankafy azy ka inoana fa hahazo ny anjarany ny rehetra, indrindra amin’ireo kanto homen’ny tarika..
Efa nialohavan’ny fa­moahana ny rakikira DVD, ahitana ny sanganasany izany. Miaraka amin’ny rindrantsary matihanina tanteraka.
Tsiahivina fa manohy ha­trany ny mozika ry Roova ary efa miketrika ny fampisehoana an-tsehatra ihany koa amin’io taona vaovao io, araka ny nambarany

Synèse R.