Hafana indray ny fiarahana amin’ity faran’ny herinandro ity sady ao anaty fety Krismasy rahateo izany. Haneho ny maha izy azy indray ny kalaza amin’ny fampandihizana sy fikosehana kapila, DJ Cyemci, anio 23 desambra, manomboka amin’ny 9 ora alina, ao amin’ny Ethnika Analakely. Fotoana hanehoany ny traikefa ananany tao anatin’ny taona maro niangaliany ny fanafanana efitrano filanonana.
Rahampitso kosa, hiaraka amin-dry Broducer ny mpitia ny kanto. « Sady miala kely amin’ny mahazatra sy ny rotoroto mandritra ny herinandro no mba maka fafiny kely amin’ny fandihizana sy ny sisa », hoy ny mpikarakara. Tsy hijanona eo fa mitohy hatrany ny lanonana isan-karazany etsy amin’ny Ethnika isaky ny zoma sy asabotsy, raha ny filazan’ny tompon’andraikitr’ity toerana ahafahana miala voly ity. Ny faran’ny taona indray, hiaraka amin-dry Scraitix sy DJ Kiero ireo rehetra ho tonga eny an-toerana.
Nangonin’i HaRy Razafindrakoto
French