Avotry ny zandary sy ny fokonolona ireo omby roa nalain’ny dahalo tao Ambohimahasoa fokontany Ifoitry, kaominina Anandravy, distrikan’i Vondrozo, ny alatsinainy teo. Vantany vao lasan’ireo dahalo ny omby, nampandre ny zandary ny tompony. Nanao ny fanarahan-dia arak’izany ny fokonolona sy ny zandary roalahy. Nifanehatra tao amin’ny fokontany Mangaikarea, kaominina Andoharano ny mpanara-dia sy ireo olon-dratsy, ny marain’ny talata teo. Vokany, vaky nandositra ireo mpangalatr’omby. Tavela teo ny roa tamin’ireo omby halatra ka naverina amin’ny tompony. Nirifatra nandositra niaraka tamin’ny omby iray kosa ireo dahalo. Mbola mitohy ny fanarahan-dia.
Tsiferana R.
French