Nivadika tampoka tany ambany tetezana, naratra mafy vokatry ny fivadihan’ny fiara taksiborosy ny mpamily iray sy ny mpandeha roa tao amin’ny tetezan’i Bikirajibe, kaominina Kalandy, distrikan’i Mandritsara, ny faran’ny herinandro teo. Mampitohy an’i Port-Berger sy Mandritsara, nitondra mpandeha maromaro ity fiarabe ity. Kinanjo, nivadika tampoka ny fiara teo amin’io tetezana io, ny 24 desambra tokony ho tamin’ny 10 ora maraina. Tsy voafehin’ny mpamily intsony ny familiana ka nifatratra tany ambany tetezana ny fiara. Vokany, naratra mafy ity farany. Nentina notsaboina nanaraka azy koa ny mpandeha roa hafa.
Tsiferana R.
French