Nihira ny hira “Ne partez pas sans moi” ireo mpianatry ny « Star Academy »Ny asabotsy 24 desambra lasa teo, tamin’ny fandaharana manokana « Les 12 coups de Noël » tao amin’ny TF1. Saingy tsy naharesy lahatra ny mpampiasa aterineto ny zava-bitan’izy ireo, tamin’ny “playback”, diso fanantenana tsy nahita ireo kandidà tiany nihira mivantana.
Te hanaporofo ny mpianatra nivoaka tamin’ny “Star Academy” taona 2022, fa afaka miaina ny fiainana aorian’ny fifaninanana izy ireo. Ezaka be no andrasana amin’ireto andiany ireto hampitombo lazan’ity fahita lavitra vahiny nikarakara ny fifaninanana ity. Misy amin’ireto ankizy vao nivoaka tamin’ny andiany farany no efa manana ny tetikasa eo amin’ny sehatry ny mozika. Isan’izany i Anisha, ilay teratany Malagasy.
Seho nampâhafantarana ny raki-kira mirakitra ny hiran’ny mpifaninana tao anatin’ny fifaninanana. Mpankafy manodidina ny 8000 isa no nanatrika izany. Ireto farany izay niandry am-paharetana ny seho nataon’ny mpianatry ny “Star academy”. Tsy araky ny nantenain’ny mpankafy anefa ny seho nataon’ny mpianatra.
Lin
French