Hatolotra ny fampanoavana ireo jiolahy roa voasambotry ny polisy teny Ampandrana, afakomaly. Ny polisin’ny CSP3 Antaninandro no nahasambotra ireto jiolahy ireto. Nifanehatra tamin’olona niantso vonjy tamin’ny lalana iray eny Ampandrana ny polisy ka nandray ny andraikiny avy hatrany nifanenjika tamin’ireo olon-dratsy tany anaty elakela-trano. Tsy afa-bela teo anatrehan’ireo polisy ireto jiolahy ka tsy lasa lavitra dia tratra. Hita tany amin’izy ireo nandritra ny fisavana ny antsibe fampiasany rehefa mampihorohoro ireo olona endahina. Isan’ireo faritra tena tsy milamina amin’ny resaka tsy fandriampahalemana ihany koa eny Ampandrana sy ny manodidina na eo aza ny ezaka ataon’ny polisy amin’ny fanenjehana ireo jiolahy.
J.C
French