Tamin’alahelo lehibe no nandraisan’ny mpankafy mozika “Reggea” ny fahafatesan’i Joseph Marley, fantatry ny maro amin’ny anarana hoe Jo Mersa Marley. Maty ny talata 27 desambra 2022, tao Etazonia, teo amin’ny faha-31 taonany ity mpihira jamaikanina ity. Izy izay zafikelin’i Bob Marley ary zanak’i Stephen Marley. Tsy mbola fantatra mazava ny antony nahafaty azy. Hita tao anaty fiara tao Miami, niharan’ny fihetsehan’ny aretina sohika i Jo Mersa Marley, ny andron’ny talata araka ny nambaran’ ny onjam-peo WZPP.
Nampahafantatra sy nampionona ny fianakaviana sy ny mpankafy an’i Jo Mersa Marley ihany koa ny praiministra jamaikanina Andrew Holness.
Nihira nanaraka ny raibeny sy ny rainy ary ny rahalahan-drainy i Jo Mersa Marley nandritra ny fahavelony. Ny taona 2016 izy no namoaka ny rakikirany voalohany, nitondra ny lohateny hoe “Comfortable”. Ny taona 2021 kosa izy no namoaka ny rakikirany faharoa “Eternal”.
Lin (Mpianatra asa)
French