Hanatanteraka fampisehoana “Stand Up”, eny amin’ny “Madagascar Underground” Antsahavola, ny asabotsy 31 desambra 2022, i Raytra Belaw’Yck sy ny namana mpanao hatsikana miaraka aminy. Hanomboka amin’ny 4 ora hariva ny seho. Fampisehona iarahan’ny “Gasy Stand Uppers” sy ny “Be tige Comedy” izay samy vondrona mpanao “Stand Up”. Hiverina indray ny seho “Vénéré” taorian’ny natao tany Antsirabe sy teny Isoraka. Mpanao “Stand Up” samy manana ny maha izy azy no hiara hisalahy, Hanafana ny fampisehona ny Asabotsy 31 desambra 2022, eny Antsahavola. Ankoatran’i Raytra Belaw’Yck. Handray anjara ao ihany koa i Mamy Ralijaona sy Dedss Clodio ary Orima Sarobidy. Mamy Ralijaona niavaka ny fandraisany anjara tamin’ny “Festival Jokoso” andiany faharoa tamin’ny nanaovany seho tamin’ny teny vahiny. Ho an’ny Dedss Clodio kosa indray, ilay teny hoe “Olona mitsangana mampiomehy olona mipetraka” no ahafantaran’ny mpanaraka “Stand Up” azy. Raha i Orima Sarobidy kosa,ilay fitantarana baolina niarahana tamin’ny Aina Maharavo no nampalaza azy.
Karazana hatsikana atao an-tsehatra, ataon’olo-tokana ny “Stand up” raha tsiahivina. Manao hatsikana tsy mampiasa fitaovana sy haingo, ao anaty fotoana voafetra ny mpiantsehatra. Mbola tsy tafapetraka ao an-tsain’ny mpanaraka hatsikana Malagasy izy ity saingy efa ao anatin’ny ezaka fampidirana sy fampahafantarana izany eto Madagasikara ny tompon’andraikitra.
Lin (Mpianatra asa)
French