Noraofin’ny olon-dratsy indray ny taolam-paty tao Antsifotra, fokontany Vohitrarivo, kaominina Manampisoa, distrikan’Ambalavao, omaly. Naharay antso ny ben’ny tanàna ao an-toerana fa nitrangana vaky fasana anatin’io fokontany io. Niantso ny manam-pahefana, nidina nijery ifotony ny zava-nisy ireo tompon’andraikitra. Nisokatra sy nakorotan’ireo tsivalahara ny fasana. Natao ny fanadihadiana ny tompom-pasana ka 56 ireo taolam-paty tsy hita popoka. Niroso tamin’ny famotorana ny raharaha ny zandary ao an-toerana. Ankoatr’io, naratra voan’ny bala koa ny mpiambina fasana roalahy tao Agnapasy, fokontany Mahabo, kaominina Anosivelo ao Farafangana, ny alakamisy 29 desambra teo. Nahita ireo jiolahy saika hamaky ny fasan-drazana Antefasy izy mirahalahy ireto kinanjo voatifitr’ireo olon-dratsy. Efa nalefa notsaboina eny anivon’ny CHU Farafangana ireo naratra.
Tsiferana R
French