Tsiahivina fa lany teo anivon’ny Antenimierandoholona ny lalàna « Fonds souverain malagasy », natao indrindra hanomezan-danja ny sehatra rehetra eto Madagasikara. Trandrahina izay azo atao rehetra mba tsy hiankinan-doha any ivelany, na ao anatin’ny fanatontoloana aza ny toekarena eran-tany, araka ny nambaran’ireo loholona momba ity tahiry ity.
Araka izany, avy amin’io «Fonds souverain malagasy» io ny hanohanana ny mpandraharaha, ny tantsaha, indrindra ny tanora hifehezana ny asa rehetra azo atao eto an-toerana. Atao ihany koa izay hitrandrahana ny harena eto an-toerana dia io no hoentina hamatsiana izay tetikasa rehetra fa tsy hiandrasana famatsiam-bola avy any ivelany lava.
Ohatra ny harena an-kibon’ny tany isan-karazany, anaty ranomasina, tontolon’ny fizahantany, sns. Misy Malagasy manam-pahaizana ara-teknika amin’ireo rehetra ireo fa ny fiaraha-miasa amin’ny any ivelany no anisan’ny ilaina hanovozana traikefa sy fandalinana amin’izay atao.
Ndrina
French