Tapitra ny fetin’ny taom-baovao, maro ireo olona hita teny amin’ny toerana fitsangatsanganana, toy ny eny Analakely sy Antaninarenina. Araka ny fanadihadiana natao, ny 1 janoary lasa teo, nahatratra 150 000 ar mahery teo no lanin’ny fianakaviana iray nanaovana fety.
Ireo tanora lahy sy vavy no saika hita nameno ny toeram-pivarotana. Raha somary vitsy kosa ireo olona efa lehibe. “Efa ela izahay fianakaviana no tsy nivoaka nitsangatsangana, ka aleo mba hiezaka kely ny hivoaka sy hifety. Efa nanomana vola maherin’ny 160 000 ar eo izahay, amin’ity fety ity.” hoy i Claire, renim-pianakaviana.
“Andro iray tsy mitovy amin’ny rehetra ny 1 janoary, ka nisafidy ny hivoaka kely, izaho sy ny olo-tiako. Efa mivoaka foana izahay, fa tamin’ity dia somary nahena ho 155 000 ar ny fandaniana, raha toa ka
185 000 ar no lany tamin’ny 1 janoary 2022.” hoy i Kevin, tovolahy iray.
Fitia (Mpianatra Asa)
French