Eny amin’ny ivontoerana fampianarana mozika «EGM-Conservatoire de musique» no anokafana ny hetsika «Masterclass International de Guitare». Ny asabotsy 7 janoary 2023, amin’ny 2 ora tolakandro no hanombohan’ny hetsika. Marihina fa voatokana ho an’ny mpianatra eo anivon’ity sekoly ity ihany ny hetsika, amin’io andro io.
Ny mpianatra eo anivon’ny sekoly fampianarana mozika, EGM- Conservatoire de musique no hisitraka voalohany ity hetsika miavaka ity. Ho an’ity andron’ny asabotsy ity, fifampizarana amin’ny samy efa manana fahaizana ambonimbony no atao. Marihina fa ny mpianatra efa manana fahaizana antonony sy efa ambonimbony no afaka mandray anjara amin’ny hetsika.
Ny alatsinainy 9 janoary 2023 indray vao hitohy ny hetsika ary tsy hifarana raha tsy ny alarobia 11 janoary 2023, arahin’ny fampiofanana sy atrikasa. Fampisehoana handraisan’ireo niofana anjara kosa no hamaranana azy.
Lin (Mpianatra asa)
French