Hotanterahina ny asabotsy 7 janoary 2023 eny amin’ny «Institut Français de Madagascar» na IFM Analakely ny « Scène Slam » karakarain’ny fikambanana Madagaslam. Hetsika voalohany amin’ity taona 2023 ity ary santatry ny hetsika rehetra ho tanterahina ao anatin’ny taona. Hetsika natao hoan’ireo te haneho ny talentany sy ny fahaizany izy io. Misokatra ho an’ny rehetra, araka izany, ny sehatra amin’io asabotsy io.
Miverina amin’ny laoniny ny drafitr’asan’ny fikambanana Madagaslam sy ny mpankafy Slam eto Madagasikara, indrindra ny eto Antananarivo. Araka ny fantatra hatramin’izay, isaky ny asabotsy faharoa amin’ny volana dia manao hetsika ao amin’ny CGM Analakely ny Madagaslam. Ny asabotsy fahatelo kosa eny amin’ny “Alliance Française Andavamamba” no anaovana ny hetsika. Misy ihany koa ny eny amin’ny CRAAM Ankatso, isaky ny zoma faharoa amin’ny volana. Eo ihany koa ny eny amin’ny IKM na Ivotoeran’ny Kolotsaina Malagasy Antsahavola, isaky ny zoma fahatelo ny volana.
Tanjona amin’izao fanamaroana ny hetsika misokatra ho an’ny rehetra izao ny fampiroborobona ny “Slam”.
Lin (Mpianatra asa)
French