Hatao ny 19 janoary ho avy izao any Seranandavitra, kaominina Ilaka-Est, distrika Vatomandry, ny taona fambolen-kazo 2023 eto Madagasikara. Lohahevitra raisina ny hoe «Izay mamboly hazo mamelon’ aina, izay mamboly hazo mamelona an’i Madagasikara». Koa, tanjona ny hambolen-kazo ao anatin’ny velaran-tany 100 ha. Hampiasana fitaovana manaraka ny teknolojia «drône» mandritra io fotoana io, hamafy voa avy eny amin’ny habakabaka, hanatrarana izany tanjona izany. Manatanteraka ny fisantarany ny fambolen-kazony amin’io fotoana io koa ny Fitantanam-paritry ny tontolo iainana sy ny fampandrosoana maharitra manerana ny faritra 23.
Tsy foana ny doro ala sy tanety
Efa fanao isan-taona ny fambolen-kazo eto amintsika, fa tsy voasakana koa ny fandoroana tanety, indrindra ny doro ala. Anisan’ny tena nampiavaka tamin’iny taona 2022 iny ny fahamaizan’ny faritra arovana hafa, toy ny any Soalala, ny toera-pambolen-kazo any Mahajaotra, ny fahita isan-taona toy ny any Ankarafantsika sy Menabe Antimena. Mampiavaka ireo roa farany voatanisa ireo, loharano mamatsy ny lemak’i Marovoay ny any Ankarafantsika, ary ahitana biby sy zavamaniry tsy fahita raha tsy any an-toerana ny any Menabe Antimena.
Njaka
French