Hatolotra ny fampanoavana aorian’ny famotorana ireo jiolahy roa tratran’ny polisy miasa ao Isotry (CSP4), afakomaly maraina. Tratra teo amin’ny sakan-dalana nataon’ ny polisy ireto jiolahy raindahiny amin’ny fanendahana ireto. Fantatra fa isan’ireo jiolahy ikoizana amin’ny fanendahana ireto tratra nanao ny asa ratsiny vao maraina ireto. Efa maro ireo mpampiasa iny lalana iny sy ireo mipetraka eny amin’ny manodidina no mitaraina amin’ny afitsok’ireo jiolahy. Ireo mpandeha sy mpivarotra maraina eny an-toerana no tena mitondra faisana raha ny tatitra nampitain’ny polisy hatrany. Niaiky ny heloka vitany ireo jiolahy nandritra ny famotorana nataon’ny polisy. Tsy izy ireo ihany fa manao andiany ry zalahy rehefa manao ny asa ratsiny, saingy izy ireo aloha no tratra fa mbola mitohy ny fikarohana.
J.C
French