Maty vokatry ny fifampitifirana tamin’ny zandary ny mpanafika anatin’ny lalam-pirenena fahefatra sady mpangalatr’omby iray tao Mahabibo, kaominina Ankazomborona, distrikan’i Marovoay, ny alin’ny alatsinainy 9 janoary teo. Nokarohina noho ny vono olona nataony, sarona niaraka tamin’ny sakaizany tao amin’io tanàna io ity jiolahy ity. Tokony ho tamin’ny 9 ora alina, nirifatra nandositra io olon-dratsy io rehefa tonga hisambotra azy ny mpitandro filaminana. Raikitra ny fifanenjehana ka lavo tamin’izay ilay jiolahy. Nidina ifotony nanao ny fizahana ny mpitsabo . Mitohy ny fanadihadiana mahakasika ireo naman’ity jiolahy lavo ity.
Tsiferana R.
French