Araka ny tatitry ny Firenena mikambana, ny taona 2021, misy zaza na tanora iray maty isaky ny 5 segondra maneran-tany. Eto Madagasikara, nisy fivoarana ny taham-pahafatesan’ny reny sy ny zazamenavava ary ny kilonga madinika tao anatin’ny 10 taona farany, araka io tatitra io ihany. 14% ny tahan’ny fahatsarana teo anelanelan’ny 2008 sy 2018 ho an’ny taham-pahafatesan’ny reny. Nidina ho 426 amin’ny zaza teraka velona 100 000 ny taham-pahafatesana reny raha 498 folo taona lasa. Ho an’ny zazamenavava, 26 tamin’ny zaza teraka 1000 no taham-pahafatesana ny taona 2021, araka ny fanadihadiana momba ny fahasalamana sy ny fivoaran’ny mponina. Nanambara io fanadihadana io fa 47 kosa ny isan’ny zaza maty mialoha ny fahaherintaonany amin’ny teraka zaza 1000. Efa maro ny ezaka atao hampivoarana ny zava-misy ka ahafahan’ny ankizy rehetra miaina sy misitraka fitsaboana sahaza. Efa voavolavola ny taona 2022 ny tari-dalana ho fampihenana ny taham-pahafatesan’ny reny sy ny zaza menavava.
Nahazo fiofanana rahateo ny mpanentana ara-pahasalamana sy ny mpiasan’ny fahasalamana momba ny fanatsarana ny fahaiza-manao amin’ny fandraisana an-tanana ny aretina mpahazo ny ankizy. Nampiarahana tamin’ireo ny fampitaovana ny toeram-pitsaboana.
Vonjy
French