Namoaka fanambarana amin’izao fiandohan’ny taona izao ny eo anivon’ny antoko PSD, amin’ny alalan’ny sekretera jeneraliny, Bezaza Eliana. Nirary izy ireo ary tsy mitsahatra ny mangataka amin’i Zagnahary Tompontsika ny ahafantaran’ny mpiray tanindrazana tsirairay ny fiadanana, ny fahasalamana, ny fandriampahalemana, ny fameloman-tena sy ny firoboroboan’ny fihariana. “Enga anie hitoetra eto amintsika ny fiaraha-monina mirindra am-pihavanana araka ny fomban-drazana. Ny fifampitsimbinana ary fifankatiavana araka ny fivavahana kristianina sy silamo, ary am-panajàna ny lalàna velona, araka ny fomba Repoblikanina”, hoy izy.
Nangatahiny ny fanahy Masina mba hanely amintsika tsirairay ny fahalalana sy ny fahamatorana mba hahatonga antsika hahafantatra hiady ho an’ireo tombontsoantsika rehetra voalaza ireo. “Hiova ho tsara hatrany hatrany ny fiainantsika. Hitombo fahafaha-mividy, havita hampiana-janaka, hahazo ny irina, ho toy ny olombelona vanona rehetra eto ambonin’ny tany”, hoy izy.
Synèse R.
French