Voatazona am-ponja vonjimaika ao Miandrivazo ilay lehilahy voatondro nandratra an-dramatoa vadiny. Nifamaly tokoa izy mivady ny 23 desambra lasa teo tokony ho tamin’ny 08 ora alina. Araka izany, nofitahin’ity lehilahy ity ilay vehivavy mba handeha hanatitra azy handro. Nofirainy tamin’ny antsibe avy hatrany nefa ilay ramatoa ka tsy nananany antra mihitsy. Taorian’izay, nitsoaka ity nahavanon-doza. Fantatra fa mpamboly izy ary monina ao Soarivo, fokontany ao ihany, kaominina Ankotrofotsy. Raikitra ny fitadiavana azy ka tratra tao amin’ny rainy tao Antsoha ny ampitson’io . Hatramin’izao, mbola mitsabo tena eny amin’ny tobim-pahasalamana ao Ambatolahy ilay ramatoa naratra mafy.
Henintsoa H.
French