Leo amin’ny afitsoky ny asan-jiolahy ny mponina ! Jiolahy roa tratran’ny fitsaram-bahoaka rehefa nifanenjehana hatrany anaty elakelan-trano, omaly. Nifanampy tamin’ny fisamborana azy ireo ny polisy avy ao amin’ny poste de police Avancé Antaniavo. Tratra niaraka tamin’izy ireo ny fitaovam-piadiana fampiasan’izy ireo rehefa manendaka. Malaza ratsy amin’ny fisiana asa fanendahana eny Antsalovana sy ny manodidina satria mikaikaika ireo mponina sy ireo mpandalo amin’iny faritra iny. Nisy ny paikady napetraky ny mponina sy ny polisy amin’ny alalan’ny fanaraha-maso sy ny fisafoana hatrany anaty elakela-trano. nahitam-bokany izany satria jiolahy efatra tratra teo am-panaovana ny asa ratsiny. Raikitra teo ny fifanenjehana raha vao nahatazana ireo polisy sy ny fokonolona ry zalahy. Tsy lasa lavitra anefa dia tratra. Noentin-katezerana ireo olona ka samy nitsaingoka tamin’ireto jiolahy tratra ireto. Mbola hita teny amin’izy ireo ny finday avy nangalariny. Niaiky ny heloka vitany izy ireo nandritra ny famotorana nataon’ny polisy.
Jean Claude
French