Nitrangana lozam-pifamoivoizana teo amin’ny fokontany Ampikatroka-Ambatofolaka, kaominina Mahambo, omaly maraina tamin’ny 08 ora latsaka teo. Tra-doza tamin’izany ny fiara taksiborosy mampitohy an’i Toamasina saika hihazo an’i Soanierana Ivongo. Nandeha mafy ny fiara ka tafavoaka ny arabe nony tonga teo amin’ny tetezana Siritra, hoy ny fanazavan’ny zandary misahana ny famotorana. Vokany, naratra mafy avokoa ireo mpandeha miisa efatra tao anatin’ny fiara. Isan’izany koa ny mpamily ka nalefa vonjimaika tany amin’ny CSB II ao Mahambo avy eo nafindra amin’ny hopitalin’I Fenoarivo.
Tsy tana anefa ny ain’ilay ramatoabe 74 taona na dia nanao ny ezaka rehetra aza ireo mpitsabo nandray azy. “Navoahitsaka vatobe ny fiara ka nilatsaka tao anaty hantsana”, hoy ny filazan’ny mpamily.
Henintsoa H.
French