Tsara ny voka-dalao azon’ ny Akio U20 lehilahy, tany Congo, omaly, tamin’ny fifaninanana “IHF Trophy continental” aty Afrika. Lavon’izy ireo tamin’ny isa 38 no ho 30 i Zimbabwe. Tsiahivina fa lavon’i Congo mpampiantrano tamin’ny isa 43 no ho 19 ny Akio, ny alarobia lasa teo.
Lalao efatra izay no vitan’izy ireo tamin’ity fifaninanana ity, ka iray ihany no fandresena azon’izy ireo. Fihaonana iray izany sisa no miandry azy ireo, hahafahany manohy ny fahombiazana azony omaly. Araka izany, hotanterahina androany, ny andro faran’ny fifaninanana, ka i Ginea, izay voalohany tao amin’ny faritra faharoa indray no hifandona amin’izy ireo. Tsy isan’ireo ekipa hahazo ny tapakila mankany Costa Rica intsony izany ny Akio zandrikely, saingy hiady laharana fotsiny izy ireo. Marihina fa izay be isa indrindra amin’ity fifaninanana ity no voahosotra ho tompondaka sy hitondra ny voninahitry ny kaontinantan’i Afrika any amin’ny fifanintsanana “IHF intercontinental”, izay hatao any Costa Rica.
Fitia ( Mpianatra asa )
French