Kamiao lasan’ny rano: maty voatsindry ny mpamily mpanampy

Nitera-doza ka nahafatesana olona iray indray ny fiakaran’ny rano vokatry ny rotsak’ orana nisesisesy tao amin’ny distrikan’i Mampikony. Niva­di­ka tampoka teo Antanetilava ny kamiao lehibe iray avy any Tsarahasina nikasa hihazo an’i Mampikony, omaly tolakandro. Nitondra olona vitsivitsy, efa mpandeha amin’io lalam-pirenena io ity fiara ity. “Vokatry ny fiakaran’ny rano, tsy azon’ny mpamily sary an-tsaina intsony ny nisy ny lalana. Tafalatsaka tamin’ny lalan-diso, araka izany, izy. “Niezaka nitsambikina tamin’io fotoana io ilay mpamily mpanampy kinanjo maty tsy tra-drano”, hoy ny fanaza­van’ny zandary ao Mampi­ko­ny. Nifarimbona nanarina ny fiara ireo fokonolona manodidina. Ankoatra ity namoy ny ainy ity, tsy nisy nahiana ny ain’ireo mpandeha vitsivitsy tao anatin’ilay kamiao.

Tsiferana R.