Araka ny fiaraha-miasa eo anivon’ny zandarimariam-pirenena sy ny polisim-pirenena, noraisin’ny eo anivon’ny polisy an-tanana ny fanohizana ny fanadihadiana mahakasika ny fisamborana ilay jeneraly polisy voasambotra tetsy By-pass, ny alatsinainy teo. Tsiahivina, voasambotry ny zandarimaria, tra-tehaka niaraka tamin’ny fitaovam-pidorohana zava-mahadomelona mahery vaika izy. Niroso tamin’ny fitananana azy vonjimaika, taorian’izay. Natolotr’izy ireo, hotohizan’ny eo anivon’ny polisy ny raharaha. “Efa eny anivon’ny polisy ny fanohizana ny fanadihadiana”, hoy ny loharanom-baovao.
Tetsy ankilany, Nisy ny fikaroham-baovao natao tamin’ny polisim-pirenena. Tsy mbola misy vaovao azo ambara mahakasika ny raharaha araka ny fanamafisan’ny seraseran’ny polisim-pirenena. Hanamafisana ny fanohizana ny fanadihadiana lalina mahakasika ny raharaha izany.
Ankoatra ireo anefa, voalazan’ny loharanom-baovao hafa fa hiakatra fampanoavana anio ilay jeneraly polisy sy ny olona voasambotra niaraka taminy.
Andrasana, araka izany, ny vaovao farany, aorian’ny fanadihadian’ny mpitandro filaminana sy ny fitsarana.
Tsiferana R.
French