Mitohy mikija ny orana eto Antananarivo. Nilaza ny Apipa fa arahi-maso akaiky ireo vavarano mandefa ny ranon’orana hivarina any an-drenirano. Miasa andro aman’alina ny ekipa rehetra ary mihodina avokoa ireo Station de pompage enina iandraiketan’ny Apipa manafaingana ny famoahan-drano.
Nanentana ireo kaominina rehetra eto Antananarivo sy ny manodidina handray ny fepetra rehetra amin’ny fanamorana ny famoahana ny rano ao amin’ny faritra iadidiany mankany amin’ireo lakandrano lehibe sy ny renirano efa nomanina ny amin’izany.
Ny mponina rehetra ihany koa mba samy hanadio ny tatatra madinika manary ny rano avy ao aminy. Ny tsy fanariana fako eny amin’ny lakandrano koa dia hahamora ny famoahan-drano mba ialana amin’ny fitobian’ny rano.
Ankoatra izany, miandraikitra ny fandritana ny rano mihandrona amin’ny lalana maromaro eto Antananarivo koa ny Apipa. Anisan’izany ny eny Ilanivato ka avarina ao amin’ny lakandranon’ ny GR.
Tatiana A
French