Fiarahana tsy sambany, saingy efa elaela no tsy nisy. Hiaraka an-tsehatra mandritra ny seho “Bonne année rock” indray ny tarika Kiaka sy ny tarika Green. Fampisehoana na dia haka endrika “cabaret” aza izy io, hotontosaina anio amin’ny 9 ora alina, etsy amin’ny Espace Dera Tsiadana.
“Fiarahan’ny mpirahalahy efa nifankahalala am-polo taonany maro tao anatin’ny mozika io”, hoy ny mpikarakara avy ao amin’ny Gasy Tsara. Samy hitondra ny sanganasany ny roa tonta, hamerina indray ny tsiahin’ireo mpankafy any ambadiky ny 20 sy ny 30 taona lasa. Hifandimby ny hira milamindamina sy ny mavesatra kokoa, ary hisy ny fiarahana an-tsehatra, tsy ho an’ny mpihira ihany fa ho an’ireo mpitendry ihany koa. Fantatra fa ho vahiny manokana mandritr’ity seho ity i Mialy Carmen.
Zo ny Aina
French