Saron’ny polisy avy ao amin’ny boriboritany fahatelo (CSP3) Antaninandro teny amin’ny fokontany Ambatomaro, omaly tamin’ny 1 ora sy 30 mn maraina ny jiolahy iray. Nahatrarana entana vitsivitsy mampiahiahy tany aminy tamin’io fotoana vao maraina io raha nifanena tamin’ireo polisy manao fisafoana amin’iny fokontany iny izy. Niroso tamin’ny fisavana azy ny polisy ka hita tany aminy ireo jiro mandeh amin’ny herin’ny masoandro, jiro fanao am-paosy niaraka tamin’ny pince roa. Tsy fantatra mazava hoe hataon’ity jiolahy ity inona amin’ny andro amin’ny 1 ora sy 30 mn ireo fitaovana ireo. Nentin’ ny polisy avy hatrany nihazo ny biraon’ny CSP3 izy hanaovana fanadihadiana. Nanamafy ny polisy fa mitohy hatrany ny ezaka ataon’ ireo polisy manoloana ny tsy fandriampahalemana mampikaikaika ny mponina eny amin’iny fokontany iny. Tsy eny ihany fa saika efa tapitra lasan’ny jiolahy avokoa ireo jiro mandeha amin’ny herin’ ny masoandro amin’ny lalam-baovao eto amintsika hatrany Ampasika mihazo an’Anosizato sy lalana mihazo an’i Fenoarivo.
Jean Claude
French