Notoloran’ny masoivoho amerikanina, Claire A Pierangelo, mari-pankasitrahana ireo mpianatra 20 mianadahy nahavita fiofanana momba ny fampianarana teny anglisy. Nandritra ny roa taona ny fiofanana narahin’ireo tanora. Tafiditra ao anatin’ny tetikasa “English Access Microscolarship Program” (EAMP) no nahafahana nanatanteraka izany.
Mpianatra 20 mianadahy avy amin’ny Lycée Jean Joseph Rabearivelo, Lycée Andohalo, Lycée Moderne Ampefiloha, Lycée Andranonahoatra Itaosy ary ny Lycée Nanisana izy ireo.
Vatsim-pianarana avy amin’ny departemantam-panjakana amerikanina, tantanan’ny fikambanana TYMA ny “English Access Microscolarship Program”.
Sehatra ianaran’ireo tanora mpianatra teny anglisy ny fahaiza-mitarika, hahazoan’izy ireo traikefa sy fahaiza-manao eo amin’ ny sehatry ny asa no tanjona.
Mpianatra maherin’ny 150.000 avy amin’ny firenena 85 no efa nandray anjara tamin’ity fandaharanasam-pampianarana ity.
Ho an’i Madagasikara, 500 ireo mpianatra, manodidina ny 13 hatramin’ny 20 taona, no efa nahazo tombony tamin’ny fampianarana hatramin’ny taona 2011.
Tenim-pirenena vahiny anisan’ny takin’ny orinasa ho voafehin’ny mpiasa ny teny anglisy. Izany indrindra no hihazakazahan’ny ankizy hianatra azy.
Tatiana A
French