Mbola mitohy ny fanadihadiana ataon’ny mpitandro filaminana momba ilay fanafihana mitam-piadina tao Manakasikely-Manjakandriana herinandro vitsy lasa izay. Ny talata hariva teo, voasambotry ny polisy ireo telo lahy voatondro ho nandray anjara mivantana tamin’ilay fanafihana mahery vaika. Nandritra izay, nanoro ny namany iray nitondra ilay basy nanaovan-dratsy ireto jiolahy. Araka izany, nojerena tao an-tranony teny Ambatomiva kaominina Ambatoloana izy. Tsy tratra tao an-toerana anefa ralehilahy raha hita tao kosa ny finday nangalarina tao amin’ ireo voatafika. Vokany, niroso tamin’ny famotorana lalina ny polisy. Fantatra
fa nitsoaka tany amin’ny fofom-badiny any Manjakandriana ilay karohina. Nitohy ny fitadiavana azy ka tra-tehaka ny alakamisy teo teny amin’ny « barrage de sécurité » Ambohimahandry ity jiolahy ity. Tsy teny aminy intsony kosa ilay basy nanaovana fanafihana. Tsiahivina fa nanafika ny alatsinainy 12 desambra teo ireo olon-dratsy. Nitondra ny raharaha teny anivon’ny mpitandro filaminana kosa ireo lasibatra taorian’izay.
Henintsoa H.
French